تبكـي عيون الناس تبكـي عيوني
....... وصرخت من الطعنه ونات الاحزان
نـار الفراق تكوي ودمعي جنوني
....... مـن حولها جمعت هموم واكفــان
يازهـر ميت يا صحاري جنونــي
....... صار الحزن في دنيتـي دوم عنوان
كيف أرتوي والأجل غطى جفوني
....... مات الفرح ياكيف ترتاح الاجفــان
دمعـي نهر فوق خــدي مزونــي
....... ورمشـي عزف همــوم حـزن الأكوان
لا ليل..ليل ولا الصباح دونــــي
....... لـه فرحةٍ لو عـــاش داخله فرحــان
أحــزان الدنيا كلها ملامح جنوني
....... شعر..خوف..ومعانقة حرف ولسـان
وش هـو الشعر لجــل يرثي عيوني
....... حزني عميق والهم في دمي إنسان
