مدرسين الصف الرابع العلمي في ثانوية المتميزين-الخضراء

هلو شباب,

اليوم كتبتلكم موضوع عن مدرسين الصف الرابع العلمي (أ و ب) ثانوية المتميزين-الخضراء.

1-مدرس مادة الاسلامية:استاذ ابراهيم يحب الحجي الهواية (الزايد) وهو يعتقد انه هذه نصيحة النه هو ميدري بأنه يدوخنه تصور العام الماضي بامتحانات نصف السنة نكَله اسكت ميسكت ودائماً يستعمل العبارات التالية:
أ-وليدي احنه مو من كَولات هذوله اليــ...........
ب-وليدي احنه تربية وتعليم واجبنا نعلم ونربي
جـ-لك اكعد "كر" "حيوان" "انجب"
د-وليدي غير نعطي كل شئ حقه ومستحقه تره ميصير هيج....مو صحيح؟
ولقبوه بإبراهيم غريزه من كثر ميحجي بهذا الموضوع بس هو يبقى خوش استاذ واحسن من غيره وكلبه طيب يسامح وينطي درجات للمحتاجها(هو منو ميحتاج درجات!)
2-مدرس مادة اللغة العربية:استاذ ياس هو استاذ حديد بالمدرسة يحب "يتكلم الفصحة كثيراً " بس هو يفهم لمن يشرح لنا موضوع بالادب او بالقواعد
3-مدرس اللغة الانكليزية:الاستاذ غسان يحب يمدح بنفسه هوايه ويحب يذكر امجاد المضي (والي اني اعتقد برأي الشخصي انه هيه اصلاً مموجده!) ينطي درجات بالثالث بس بخيل كلش بالدرجات لمن اكو اعفاء وينطي تحضير كلش هوايه ويريده حفظ نصاً (درخ وليس فهم) ملخص الكلام طريقة تدريسه مو علمية!
4-مدرس اللغه الفرنسيه:الاستاذ محمد جعفر اني براي هو احسن استاذ موجود بالمدرسه واستاذ محمدجعفر واستاذ فراس لمن يشرحون يفهمون ويشاقون ويه الطالب و اسئلة محمد جعفر زينه تنحل مو مثل المدرس الي ابالي.و تخيل واحد ادب سز شمر على استاذ محمد جعفر مساحة ومسواله شئ وهو كلش حباب وواجباته تونس
5-مدرس علم الاحياء:استاذ اسماعيل بخيل كُلش بالدرجات زميسامح الطالب ويسخر منه ويعتبره عدو اله وتصليحه دمار تخيل يحاسب على القواعد مال العربي لمن يصلح!
6-مدرس علم الكيمياء:استاذ عارف كلش حباب ودين ويشاقه ويه الطالب بس اسئلته صعبه كلش لازم تحرن هوايييييييييييييييييييييه يله تحلها ويسوي امتحانات هوايه للطالب علمود يساعده يعني يريد الخير للطالب
7-مدرس علم الفيزياء:استاذ هيثم نكرز حب بدرسه ونسولف ونكَمز ونشمر مساحات وميحجي شئ(هو اجانا من ابو غريب!)كل يوم يلبس نفس البنطرون والجاكيت والقميص بس عن الحلال والحرام بيوم الكرسمس لبس قاط وقميص ماروني ورباط احمر بي ورد اسود ويصبغ شعره بس هو يفهم لمن يشرح وحباب ينطي درجات
8-مدرس الحاسوب:يحجي سريع مينفهم شئ من كلامه ويحبنا احنه شعبة الف ويكره الباء وسوالهم امتحان شهر ثالث ويه امتحان الفيزياء الشهري بس هو يشاقه لمن يرتاح للطالب
9-مدرس مادة الرياضيات:هو حباب ويسامح الطالب وكَلبه ابيض ويعرف كل لواتات الطالب بس يغلس عليها وبي عيب واحد دحنا من وراه وهو اسئلته صعبه حييييييييييييييييييييييييييييييييييييييييييييل
[center]10-مدرس الرياضه:حجي صفاء يسويلنا دوري ويكمه وهو حباب ماكو عليه علامه سوده