ووفي لآخر دقيقة وياي ظليــــت...
تحملت الملامة من اقرب النـــاس
وعني شجم سهم مسموم صديت...
مو بيدك و لابيدي الجره و صـــار
الزمن ما راد يجمعنه بفرد بيـــت...
يزفوني حبيبي لغيرك شلــون؟؟
احس كلي على بعضي بنـــار وجيت...
ترن بذني الهلاهل وأفــز مرعوب
و جمــر بعيوني يتطشر الجكليــت...
على صوت الطرب اهلي يغنـــون
و انه بطور الحزن مذبوح غنيــــت...
ومتحنيه العواذل ،مو فرح .. غيض
وإنت بيا جرح منهن تحنيـــــت؟؟؟
كبل ليلة سألتـك وكَتلــي تهــــون
وبست كلبك بحركة وبيه وصيــــت...
ومشي لباب الحوائج رحت ملهوف
حظنت عتبة الباب ويمهة صليــت....
ادعي.. والدمع بلل الشبـــــاج
ومدري شجم علم بالعروة شديت...
من باجر بعد تطفى المواعيـــــــد
وأدعي الله الصبر لـــو الــك حنيــت...
وأدعي الله الصبر لـــو الــك حنيــت
