اوصف بيك اني الحبة بالحبة
لان نسبة جمالك دوخت الاقمار
انشتاين اعلة مودك حلل النسبة
نيوتن وك خطأ بالجاذبية هناك
مو تفاحة يجذب
مفتقد حسة
ما طاح الثمر من انتة وك مريت
هوة الشال جسمة ووكَع بنفسة
تورشلي اعترف من حذروه وياك
وبانت كل حقيقة او وضحت الخبطة
تذكر ع البحر من مر خيالك ذاك
انكَلب ملحة شكر واستوضحوا ضغطة
كولوم اعتقد اتسرع بحالات
كلهن صح فقط بس مرة مو كلهن
واكدهه الحقيقة وثبت بالبراهان
سالب موجب انتة بنضرة تجذبهن
كبلر ما خطأ من صدر القانون
بس عمية لكَحهه وطلعت مفتحة
كَالولة جذب .. جيب الدليل اوياك
ومن كَلت انتة صح انثبتت الصحة
ليساجو انذهل من شاف شكلك .. عود
هوة الجان يكتب يحسب افعالة
اخذ صفنة طويلة وية شكلك هاذ
وكَام بسرعة واعي وشكَك اشكالة
