~~~~أقــــــــــوى من الايـــــــــــــــــــام~~~~

~~~~أقــــــــــوى من الايـــــــــــــــــــام~~~~



أقوى من الايام راح أصير وياك وما تذلني بحجايه
وما شوفك ولا تخطر على بالي حتى لو تطلع بالمرايه
مادام انته بعتني بأرخص الاسعار بس لا تنسه اكو هوايه شرايه
اني سعري حيل غالي بس سعرك انته ما يعادل سعر جربايه
الدنيه ماوكفت عليك انته الدنيه صارت ربح وخسارة ويايه
اذا انته بعتني هذا ما يضرني لان اكو غيرك يشترون هوايه
اني جنت ادري ماراح اضل وياك وجنت اعرف النهايه قبل البدايه
اني بعت نفسي الك وكلت خوش انسان وماامس منه شعرايه
بس اختلف كلشي وياك وهسه انته افتخر بهاي النهايه
من اول نضره فتحتلك باب كلبي وحسيتك كريم مثل النخلايه
بس من مرت الايام وتقربت منك حسيت طبت بأيدي سلايه
وكمت تقسه عليه وما فكرت من خيرك تنطيني تمرايه
تبتزني بكلامك واضل ساكت ومرات اغلس حتى ماتذلني بحجايه
انته لا تقدم ولا تأخر بالنسبه اليه لك اكدر اصيدك مثل سمجايه
الحجارة الماتعجبك تفشخك وانته تعرف شتكدر تسوي الحصوايه
بس بعد كل الي سويته ويايه ماأذيتك ولا لدغتك مثل الحيايه
لان اني جنت اريدك ماكرصتك بأيدك مثل ما تكرص البكايه
تدري ليش؟؟؟!!!!!!!!
لان حبيتك حب مااله نهايه لان جان اسمك ياكل ويشرب ويايه
بس هيه هاي النهايه
ورغم كل هذا مااستسلم بعد لامرك وارفع الرايه
ولو جنت احس راح يجي هاليوم واعرف حبك الي هدف مو غايه
كلمه وحده وانهيك من الدنيه كلهه وخليهه بأذنك ترجايه
اقوى من الايام راح ارجع ومااحرك بروحي مثل شمعايه
وماابجي عليك ولا أون ولا أنزل من عيني لاجلك دمعايه